[ حروف على أرجوحة قافية..]

[منتهى القريش]

ضاع معنى الصبـــح في عيني
تكسّر
وانتثر
وقمت من جهلي أدوّر في ظــلامي
واجمعه
تنزف ايديني
واصــافح كل من حولي
شكر
واتجاهل ما يقــــولونه
وكنّي ما اسمعه


بندر الخزمري

[اليم]

[دبلتك] كانت حياة انسان مجهول المصير
كل ذنبه كان له ماضي قديم وْ تجربه

وين ما حاول يهاجر كان له شارع [ضرير]
رغم صدقه في شعوره بس قلبك كذ َّبه

امس جفت في حقول الحلم زخات العبير
والحزن الجم شبابيك الضجيج المتعبه

في شرودي الف خنجر يطعن بقلبي الكسير
فكري المتعب شتات وْما قويت آرتـَّبه

ودام جبتي سيرة الماضي لتعـذيب الضمير
اسمعي كل الكلام اللي بدينا نكتـبه

شاعرك ما عاف [مريم] بس اقدار المسير
شالها في كاس حلمه ثم راحت تشربه !!



عبدالعزيز العميري

[منتهى القريش]

علىَ فكره تَراكْ أسرفتْ في مد الوله واقفِيتْ ...!
......................... وشرّعت الأمَاكنْ للتّعب واُوصدتْ بيبَانِكْ !
شَربكْ الفقدْ وادمنتْ الغياب ورحِت مَارديتْ ...!
......................... وتوَسّدتْ الفرَاقْ وصار جلادكْ وسَجّانِكْ !


نايف السميري ..

[اليم]

وين احبك وانا مالي طريق وزمان
وين اشـوفك وانا ماشفت لون اليقين

لك ورى الحلم بيت : جداره الزعفران
ولي ورى الياس بيت ابوابـه: الغايبين

ضيّقوا صدري اصحابي وضاق المكان
ورحت انادي عليك : بسكة الراحليـن

ارجع ,ارجع حنيني ,.قمة العنفوان
فاقد ٍ عين قبل تروح... واليوم عيـن


بندر المحيا

[منتهى القريش]

اهز الليل .. تتساقـط بقايـا نجـوم
ويصفى لي سـواد المظلـم المعتـم

و اردّ ارسم ..على وجهه عتاب ولوم
واشكّل بـه سواليفـي وانـا ارسـم

واشقّق لوحته كلمـا غفـاه النـوم
ويصحى بي مع اصحابي وانا احلـم


عساف المقبل ..

[اليم]

ياليتني لاشبْت ماشيّب ولي بعض الاماني
لاقلّوا الاحباب من زوّادة القلب .. اتـهيـّا !

ناديت باصوات السنين السود : جدران المباني
ماردّ طين الراحلين ../... وحاجتي تملا يديّا



فيصل المهلكي

[منتهى القريش]

قَالَوا اصْحَابِك مَلاذْ!!
قِلْت:
صَح
وكُلْ وجْه بَيَنِهم قِصًة نِفاقْ!
لَيَه سمُوهُم نِفاق !
اسِف لَيه سمُوهُم رِفاق!


شاعر البدر ..

[اليم]

رحلت / وإحسـاس التعبْ ماتجرّد

.................... باقي صدى ذكرى / وتلويح راجـع .. !

ماشفت بـ أغصان الغلا صوت غرّد

.................... لو كان / صوت البُعد بالصدر ساجع .. !

هربت من [ حضن الليالي ] تمرّد

.................... لقيت ، [ حضن الصبح ] برد المضآجع

مآ زلتْ من وآقع حياتي مُشـرّد

.................... [ مرمي ] ، على تربة حنين و مواجع .. !






مانع الحربي

[منتهى القريش]

هات .. انفجر شوق, إزعل وارجع اصفعني
سو شي ... أي شي ... إلا إنك تخليني

أنت الوحيد الذي بالحيل جوّعني
بالحيل ... بالحيل ... لين ارتجت سنيني

وش يمنعك دام ما كو شي يمنعني
ينده لك .. الجمر .. والنفنوف .. وايديني

أرجوك في طبع غيري لا تطبعني
ماني ملاك الطهارة ... لا تبريني

غلطان كانك عن الزلة مرفعني
النار في داخلي .. من بعض تكويني


فهد عافت ..

[اليم]

تَضيقْ بي ذُرعاً هجوسْ إشتياقي...
وأعاينْ أطرافْ الحكي .. مِن ورى بابْ ...

يا سِلمْ الضيقاتْ - نازِفْ وباقي !
أكثرْ مِن اللي حَلْ في مَركبْ غيابْ ! ...

ياثوبْ ممطرْ مايخبّى .. فراقي !
تَحتْ السقفْ يدعونك أقرابْ وأغرابْ ...

صَفحةْ حنينْ الوَجدْ .. تَطلبْ مَذاقي ..
وصورةْ سنين الضيمْ ..تِستنزف ألقاب .. !

يا بَائعاتْ الوردْ .. أحْمَرْهْ ..راقي ! ..
وأصفَرْهْ ! . عاتي .. يشبهْ جنونْ غيّاب !

غلطةْ عُراةْ الصِدق .. تاوي .. نفاقي
والليل مَل يجمّع ثيّاب .. الأحباب ! ..



وسم تشرين