[عازف الناي الحزين .. أحمد يوسف الغامدي]

[لينا]

[لينا]

:_: ريحة خيانه على صدرك وريحة مَره =شمّيتها في شْفاك ولا قويت اسألك شمّيتها في عسام الليل قبل انثره=لا انا اعرفك زين وآصدّق ولا انا اجهلك في عطرها اللي يلم الليل ويبعثره=لا يفضح الستر في وجدك ولا يزهلك في شعرها اللي يلف الصدر من منحره=لا ناوي يعتق احساسك ولا يثكلك في لثمها... في قليله فـَ اصدقه فـَ اكثره=في زفرة الشوق لا هزّت خلا معزلك في لون برق الشرود وحرّه ومجمره=في دمعة كنّها هلّتْ على اغلى هَلكْ نامت مكاني على صدرك وانا مبهره=جدّلتْ شعري وظفّرته وهيّيت لك وملّتْ سهرها بليل كنت قبل اسهره=تفضحك ريحة مجادلها على مجدلك ضمّتكْ بين الفرح والذنب والمغفره=لا لامتك من ضمير ولا نوتْ تقتلك وانا اجمع الذنب وآعذّبه واكفّره=ليّاه يجرح بصدرك هامة آخر ملِك وأبقى بعرفك هبال... ابقى بعرفك مَرَهْ=ما أقواك رجّال... حتى ما قويت اسألك